Пра Time.is
На Time.is Вы можаце:
- Знайсьці дакладны час у любым зь 7 мільёнаў месцазнаходжаньняў па ўсім сьвеце
- Праверыць дакладнасьць Вашага гадзіньніка
- Параўнаць час у розных месцах
Таксама Вы знойдзеце:
- Каляндар
- Часы ўсходу і заходу
- Інфармацыю аб прыналежнасьці да часавай зоны
- Інфармацыю пра сёньняшнія сьвяты і звычаі
- Шыроты і даўготы
- Інтэґраваныя поўнаэкранныя мапы Google
- Колькасьці насельніцтва
- Асноўную інфармацыю пра кожную краіну сьвету
Time.is падтрымлівае мабільныя прылады. Ён выкарыстоўвае мінімальную шырыню каналу, і ягоны дызайн адаптаваны для мабільных прыладаў.
Дакладнасьць — сынхранізацыя з часам атамнага гадзіньніка
Time.is сынхранізаваны з атамным гадзіньнікам — самай дакладнай крыніцай часу ў сьвеце. Адлюстраваны час мае дакладнасьць у межах ад 0,02 да 0,10 сэкунды. Дакладнасьць залежыць ад Вашага злучэньня зь сецівам і занятасьцю Вашага кампутара.
Што робіць Time.is дакладным
- Time.is адлюстроўвае час для вызначанага ці абранага Вамі разьмяшчэньня незалежна ад часу гадзіньніка Вашага кампутара.
- Сэрвэр, які ўтрымлівае Time.is, сынхранізаваны з часам атамнага гадзіньніка.
- Time.is прыстасоўваецца да пераходу на летні і зімовы час, нават калі Ваш кампутар гэтага ня робіць.
- Time.is заўжды мае поўную інфармацыю пра пераходы на летні і зімовы час ды зьмяненьні у часавых зонах.
- Адлюстраваны час ня толькі абнаўляецца раз на сэкунду, але і на пачатку кожнае сэкунды. Шматлікія сеціўныя гадзіньнікі, як і гадзіньнікі розных апэрацыйных сыстэмаў, будуць абнаўляць час з дакладнасьцю да сэкунды і будуць мець дадатковае адхіленьне праз занятасьць кампутара, выклікаючы сумарную адрознасьць ад сапраўднага часу каля дзьвюх сэкундаў.
- Калі Вы наладзіце кампутарны час, Time.is паведаміць аб рассынхранізацыі.
- Time.is утрымліваецца на сучасным, хуткім, вылучаным сэрвэры, які выдае запытаную старонку за мінімальны час.
- Код Time.is скарочаны і лёгкаважкі, што зьмяншае час, патрэбны для ладаваньня і рэндэрынґу.
- Сынхранізацыя праз AJAX забясьпечвае максымальную дакладнасьць.
Адмова
Time.is імкнецца быць самай дакладнай, надзейнай і простай у выкарыстаньні крыніцай часу і часавай інфармацыі ў сеціве. І хоць мы робім усё магчымае для падаваньня правільнай інфармацыі, мы не даем ніякай ґарантыі: Вы выкарыстоўваеце інфармацыю, дадзеную Time.is, на сваю ўласную рызыку. Колькасьці насельніцтва таксама не апошнія. Калі Вы знойдзеце памылкі, калі ласка, апавясьціце нас!
Падзякі
- Geonames.org за іхную базу звестак больш як на 7 мільёнаў назваў месцазнаходжаньняў
- timekeeper.uio.no за сынхранізацыю часу
- Аляксею Квяткоўскаму, Усеваладу Чорнаму (aka eratyk), Сашы Ґлазко (aka lenify) за пераклад на беларускую мову
- ВАМ за выкарыстаньне Time.is!
Time.is быў створаны Івэнам Шэнінґам (Even Scharning) / North Code AS.
Шрыфт гадзіньніка — Time Traveler ад Pål Syvertsen.
База даных часавых зон
Time.is абапіраецца на даныя часавых зон з базы даных часавых зон IANA. Мы заўжды імкнемся абнаўляць Time.is да апошняе вэрсіі базы даных часавых зон IANA. Калі база даных IANA не супадае з разьвіцьцём часавых зон, мы ўжываем нашыя ўласныя тэрміновыя патчы.
Time.is ў цяперашні час выкарыстоўвае базу даных часавых зон IANA вэрсіі 2026c (патч для Golden, Правінцыя Брытанская Калумбія, Канада і Правінцыя Манітоба, Канада). Апошняе абнаўленьне: 2026-09-07
